Нийслэлийн ИТХ-ын дэргэдэх Иргэний Зөвлөл 2026 оны 06 дугаар сарын 26-ны өдөр хуралдлаа.
Ээлжит хуралдаанаар зөвлөлийн үйл ажиллагааны эхний хагас жилийн ажлын хэрэгжилт, үр дүнгийн тайланг хэлэлцэв. Мөн гэмт хэрэг, зөрчлөөс урьдчилан сэргийлэх чиглэлээр хэрэгжүүлсэн арга хэмжээ, хамтын ажиллагааны үр дүн, цаашид анхаарах асуудлын талаар мэдээлэл сонсож, санал солилцсон юм.
Иргэний зөвлөл нь гэмт хэрэг, зөрчлөөс урьдчилан сэргийлэх тухай хууль, холбогдох хууль тогтоомжийн хүрээнд иргэдийн оролцоог нэмэгдүүлэх, төрийн болон төрийн бус байгууллагын хамтын ажиллагааг сайжруулах, нутаг дэвсгэрийн хэмжээнд аюулгүй, эрсдэлгүй орчин бүрдүүлэх зорилгоор 2026 оны хоёрдугаар хагас жилийн ажлын төлөвлөгөөг хэлэлцэн батлав.
Төлөвлөгөөнд гэмт хэрэг, зөрчлийн шалтгаан нөхцөлийг бууруулах, урьдчилан сэргийлэх ажлыг үе шаттай зохион байгуулах, иргэдэд хууль эрх зүйн мэдлэг, мэдээлэл хүргэх, олон нийтийн оролцоонд түшиглэсэн арга хэмжээ хэрэгжүүлэхээр тусгасан байна.
Хуралдаанаар баталсан төлөвлөгөөг хэрэгжүүлэхдээ холбогдох хууль тогтоомж, дүрэм журамд нийцүүлэн ажиллаж, нийслэлийн иргэдийн аюулгүй, таатай амьдрах орчныг бүрдүүлэхэд чиглэсэн ажлыг үр дүнтэй зохион байгуулахаар шийдвэрлэлээ.
Зургийн цомог
Бусад мэдээ
НИТХ-ын дэргэдэх Иргэний зөвлөлийн гишүүнийг нөхөн сонгоход иргэн та саналаа өгөөрэй
Нийслэлийн цагдаагийн байгууллагын үйл ажиллагаанд олон нийтийн хяналт тавих үүрэг бүхий Иргэний зөвлөлийн гишүүнд нөхөн нэр дэвшүүлэх зар
1 удаа үзсэнО.Хонгор: Иргэний хяналт сайн байх тусам иргэдийн төлсөн татвар үр дүнтэй зарцуулагдах ёстой